7:20 PM 24 ප්‍රතිචාර

බන්දුල මාමේ, දෙනවානම් මෙන්න real budget pack එක...බඩුම තමා...

මේ දවස් වල බ්ලොග් අවකාසේ හෙන හුට්ටප්පර... අර බ්ලොගී කෙල්ල කනමදයා වගේ
සුදු අරක්කු බාගයක් එක හුස්මට ගහලා නොකවුට් වෙච්ච සීන් එක හින්දා කොල්ලො මරාගන්න හදනවා.
මේ කියන වැඩේ සිද්ද වුනේ බ්ලොගී තරම් දරුනු බේබද්දො දෙන්නෙකුට නෙවෙයි...
මල් වගේ අහිංසක කොල්ලො දෙන්නෙක්
නත්තල් දාට කලින් දවසේ හවස 4.15 ට ඕෆ් වෙලා රත්මලානේ වතුර මන්ඩලේ ඉස්සරහ
අනුර අයියගේ බාර් එකේ සෙට් වුනා කියමුකෝ...
කොච්චර උවමනාව තිබුනත් දෙන්නටම පැයක් හමාරක් බස් එකේ දෙපැත්තට යන්න තියෙනෙවා..
ගෙදරට නෝන්ඩි වෙන්නත් බෑ... තාම තනිකඩයි නෙ..
එකී මෙකී නොකී දහසකුත් එකක් කාරනා කරන කොට මේ ඩබල බල්ලන්ට ගහන බාගයකින් සැනසෙන්න තීරනය කලා
බ්ලොගී ට වගේ fridge එකේ අරක්කු දාලා තියන අයියලා කොයින්ද පූසෝ අපිට....
කොහොමින් කොහොම හරි එකෙක්ගෙ රට රස්සාවයි, අනිකගේ බඩු කතන්දරයි, අලිමංකඩ බයිස්කෝප් එකයි,
ෆොන්සේකයි, මහින්දයි එක්ක බාගෙ චුත වුනා....
හැමදාම ඉන්න වේටර් සොමරත්න අංකල් ගෙනාව බිල...
මේ තියෙන්නෙ එලකිරි ටිකට 885 කටම කෙලලා.... ටිප් එක 15ක් ඇතිනෙ..
කෝකටත් කියලා ෆෝන් එකෙන් සිහිවටනයක් කරගත්තා...
ඊලඟට ආතල් හරිය.. පහුගිය දවස් වල ධන-රින බන්දුල සෑර්/වයිමා නොහොත් ගෙම්බා (අලුත්ම කාඩ් එක) බජට් පැක් එකක් ගැන කිව්වනේ
මේ දවස් වල ඒක හොයාගන්න තියෙන්නෙ ඒ දවස් වල ආපු පත්තර ෆොටෝ වල විතරයි...
මේ හත් ඉලව් පැක් එකෙන් වුනේ උන්දැගෙ ආංඩුව නන්නත්තාර වෙච්ච තරම රටටම පෙන්නපු එකයි.
අපට මක්කටැයි ඒ පන්ඩිතකම්? සංවේදී පරිනත පලපුරුදු නායකයා ඒවා බලා ගන්නෙ නැතෑ...
බන්දුල මාමේ මෙන්න මේකයි අපේ ගින්දර වගේ යෝජනාව...
අලුත්ම බජට් පැක් එක,
"ගල් බාගයයි, අලියා සෝඩා එකයි, බයිට් එකට චිකන් හෝ පෝක් සහ අන්තිමට බට හයයි.
සාමාන්‍ය වියදම රු.900.00.... බජට් පැක් එක රු.xxx.xx.
දෙන්නෙකුට හීනියට කික් එකක් එන මරු ගාන..."

හිතේ තියෙන ෆිට් එකට තමා බොස් මේ අයිඩියා එක දුන්නෙ...
ෆොන්සේකාට ලොක්කට බොන සබ්ජෙක්ට් එක හොඳට මීටර්...
යූ ඇන් පී කාරයින්ට හිතෙන්න කලින් ඉස්සර වුනොත් දිනුම්.
මතකනේ...මහ චන්දෙකුත් ලඟ ලඟම එනෝ...
7:38 PM 3 ප්‍රතිචාර

දෙයක් වේ නම් යම් සුදුස්සාටම අයිති විය යුතු,,,,,,

කාලෙකට පස්සෙ ලියන මේ බ්ලොග් එකට මේ ආතල් වස්තු බීජය සපයා දුන් මහ රජතුමාට ජය ශ්‍රී!!
අර TNL එකේ හැමදාම පොඩි දරුවෙක් කියනවා වගේ "අනේ දෙවියනේ රැක දෙන් අපේ රජතුමා"...

දැන් අම්බානක පදිරි වෙලා හිටියට රනිල් ලොක්කා මීට අව්රුදු 5-6 කට කලින් මේ පුදුම රටේ අගමැති...
ඒක අද පොලිස් කාරයෙක්වත් ගෝටා ගෙන් අහන්නෙ නැතුව මාරු කරගන්න බැරි ජොලි සීය කරන කුජීත පියන් කම වගේ නෙවෙයි.

ඒ කාලේ රනිල්ගෙ ගෝල බාලයො කරපු කප්පරක් පාදඩ වැඩ වලින් එකක් නැවත මතක් වුනේ
මේ දවස් වල ෆිට් එක හැදිලා වෙව්ලන රජාගෙ දෑත් ශක්තිමත් කරන්න කුරුනෑගල ගොතයො දෙන්නෙක් සෙට් වුනු
නිව්ස් එක අහලා.



කෙකටිය (Aponogeton crispus ) කියන්නෙ අපේ ගං ගොඩවල් වල වතුරේ ඕනතරම් තියෙන ජාතියක් වුනාට මේවා රට පටවන්න තහනම්.
මේක මොන තරම් කාලකන්නි මානව විරෝදී නීතියක්ද කියල කල්පනා කරපු රනිල් ආන්ඩුවෙ පාන්ඩු ඇමතියෙක් හිටියා.
අපිට හොද නම් සුද්දන්ට විතරක් කෙකටිය නරක මොකද කියලා මූට හිතුනා..
අන්න නියම මානව හිතවාදී ඇමති වරු... සාදු සාදු!!!!
එහෙම කල්පනා කරපු ඇමති තෙමේ එයාර් පෝර්ට් එකේ දි මාට්ටු වෙලා කලිසමේ තෙමා ගත්ත.
ඒක ඔය රේගුවද මොකක්ද එකේ ඉන්න අලුගුත්තේරුවො කරපු වැඩක්....
හොද වෙලාවට ඒ කාලෙ විජාතික කුමන්ත්‍රන කියන වචනෙ හොයාගෙන තිබුනෙ නෑ.
නැත්නම් මල කෙලියයි මහරජ කිව්වලු....

ඉතින් ඔය පැරනි රසාංගය නැවත මතක් වුනේ අලුතින් ආංඩුවට ආපු ඩබලට දීපු මිනිස්ටීරියල් පොර්ට්ෆොලියෝ දැක්කම..
කෙකටිය සංරක්ශනය ගැන පට්ට රෙකෝඩ් එකක් තියෙන හාදයට තමයි ස්වාභාවික සම්පත් ටික දීලා තියෙන්නෙ...

කොහොමද අපේ රජාගෙ ටිකිරි මොලේ...
8:13 PM 2 ප්‍රතිචාර

ලාල් කාන්තයව උස්සන්න ඕනේ......


මම වැඩට යන්නෙ බස් එකේ..... තාත්තා ටිකක් දුර බස් එකේ ඇවිල්ල ඊට පස්සෙ Train එකට සෙට් වෙනවා.
මේක අපේ තාත්තා කෝච්චියේ එන කොට අහපු මරු කතාවක්.
අපේ පොර ඉතින් රජයේ සේවකයා.. ඒ කියන්නෙ කන්තොරු කාරයෙක්. ලාවට ජෙප්පා.

මේ දවස් වල කට්ටියක් අකුරට වැඩනෙ....
2009 ජනවාරි දෙනවා කියපු පඩි වැඩිවීම තාම නෑ. ටික දවසක් යුද්දෙන් යට ගහලා තිබ්බට දැන් වැඩේ පත්තු වෙල.
ඒත් ෆව්සි නානා කියනවා "අවුලක් නෑ දොරේ,, එලකිරි වගේ තෙල් ටික බෙදනවා" කියල.
එහෙනම් ඉතින් මොකටද මේ කුමන්ත්‍රන බරබරේ...?
මේ "අකුරට වැඩේ" පිටිපස්සෙ ජෙප්පො ඉන්නව කියල හැමෝම දන්නව... යූ ඇම් පී කාරයොත් සෙට් වෙලා ඉන්නෙ.
ඕන මගුලක් අස්සෙම දේශපාලනය තියෙනවා... අපි කවුරු අකමැති වුනත් ඒක එහෙම තමයි....

ඉතින් තාත්තට ඇහිච්ච කතාව මේකයි.. ජෙන්ටා ගහපු කොල්ලො දෙන්නෙක් මෙහෙම කියනවා...

A: ආයිත් අර .......... පුතාලා ස්ට්‍රයික් කරන්න අරන්
B: මේ කාලේ ප්‍රමදාස ඉන්න තිබුනෙ බං.. එහෙනම් මෙලහකට මහ උන් දෙතුන් දෙනෙක් උස්සලා... ගේම දීලා එලකිරි වගේ ඔක්කොම සයිලන්ට්.......
A:ආයිත් අහලා... මහින්දයටත් තියෙන්නෙ ලාල් කාන්තයා උස්සල shot එක දෙන්න..

මේක ඇහුනම අපේ පොරගෙ සෙම් කෝප වෙලා සෙට් එකම එකතු වෙලා කොල්ලො දෙන්නට ඉස්ම යන්න ටෝක් ටිකක් දීලා. දන්නවනෙ කෝච්චි බදු අරන් යන කන්තෝරු කාරයන්ගෙ සෙට් ගැන...

මේ කතාව අහල මට හිනා ගියාට වැඩේ හෙන සීරියස්......
ඇයි මිනිස්සු මෙහෙම හිතන්නෙ? උන් දෙන්නා ප්‍රයිවට් කොම්පැනියක වැඩ කරනව ඇති.... එහෙම උනා කියල
රජයේ සේවකයන්ගෙ වෘත්තීය සටන් ගැන මෙහෙම කියන එක සාධාරනද?

ඕනම ස්ටයික් එකකදි අපිට කට්ට කන්න වෙනවා... ඒක තෙල් ද, විදුලිය ද, ඩොකාලා ද මොකා කරත් එකයි.
ඒකට උන්ට පලු යනකන් බැන්නම හරිද?
DON'T SHOOT/KILL THE MESSENGER
මේ වගේ කතාවක් මුලින්ම තිබිල තියෙන්නෙ සොෆොක්ලිස් ගෙ නාට්ටියක... පස්සෙ කාලෙක ෂෙක්ස්පියර්
ලොක්කත් උන්නැහැගෙ ඇන්ටනි ඇන් ක්ලියෝපැට්‍රා එකෙත් කියල තියෙනවා.
ඒ කියන්නෙ පනිවුඩ කාරයට ගහල වැඩක් නෑ. ඒත් අපේ අයියලා කෙලින්නෙම ලඟ ඉන්න එකාට...
සාමාන්‍ය රජයේ සේවකයන්ට අවුරුදු පතා පඩි වැඩි වුනා ටික ටික හරි,, ඒත් මේ යක්කුන්ට පඩි වැඩි වෙන්නෙ
අවුරුදු තුනකට පාරක්.... සාමුහික ගිවිසුම් ක්‍රමයක් තියෙන්නෙ
තව කතන්දරයක් තියෙනවා මේකට යටින් ඒක තමා ආතල් කෑල්ල
යුද්දෙකින් පස්සෙ රටක ඇති වෙන්නෙ වහල් මානසිකත්වයක් තියෙන ජඩයො ටිකක් කියල කතාවක් තියෙනවා
කවුරු කිව්වද කියල නිනව්වක් නෑ පොතක තිබුනේ...

ඒක ද මේ අපි සිරි ලංකාවේ දකින්නෙ???

11:25 PM 4 ප්‍රතිචාර

ඇයි මම බ්ලොග් ලියන්නෙ....?

සරලම උත්තරේ වෙන කරන්න වැඩක් නැති හින්දා....
දන්න දන්න හැම එකාම බ්ලොග් ලියන හින්දා..
මේවා පත්තර වලට ලිව්වොත් ඒවට editor ලගෙ පිත ඇවිස්සෙන හින්දා...
campus ගිහින් හතර අව්රුද්දක් කට්ට කාලා තුන්වෙනි job එකටත් ආවට හිතට කිසි fit එකක් නැති හින්දා..
තව කප්පරක් හේතු කියන්න පුලුවන්... දැනට ඇති,,,

  • සමහරු tech blog ලියනවා... බොහොම පින්,, ඒත් මෙලෝ දෙයක් තේරෙන්නෙ නෑ.
  • සමහරු කවි ලියනවා.. පෙලක් ඒවා හොඳයි අනික්වා මෙලෝ රහක් නෑ.
  • තව සමහරු politics ලියනවා... ඒකත් හොඳයි.... අන් මත නො ඉවසා මඩ ගැහිල්ල තමා අවුල....
  • සමහරු foto දානවා....
  • අනිත් අය තමුන්ගේ පුද්ගලික ජීවිතේ වැඩ කිඩ ගැන ලියනවා,,,,වැරැද්දක් කියන්න බෑ..
ඔන්න ඕකයි තත්වෙ...

මේකෙත් ඔය ඔක්කොම කෑලි බෑලි තියෙයි.......කවි ඇරෙන්න... මට කවි ලියන්න බෑ..

මේ බ්ලොග් එකේ කියන කතන්දර ඉතාම විවෘතව දක්වන අදහස්....
අපි ජීවත් වෙන මේ සමාජයෙ තියෙන දෙවල් ගැන තරුනයො විදියට අවංක විය යුතුයි. විවෘතව කතා කල යුතුයි.

කාගෙන්වත් මල් පොකුරු බලාපොරොත්තු වෙන්නෙ නැති අපි ඔබගේ ගින්දර වගේ අවංක අදහස් සාදරයෙන්
පිලිගන්නවා.. ඒවා ගල් වුනත් මල් වුනත් අපිට එකයි,,,

අපි දන්න කාලේ මේ රටේ හිටියෙ විධායක ජනාධිපති නැන්ද කෙනෙක්... ඊට පස්සෙ ආව මරු රැවුලක් තියෙන මාමා කෙනෙක්...
මෙන්න බොලේ එක පාරටම මේ ජනාධිපති මාමා මහ රජානන් වහන්සේ කෙනෙක් වෙනවා...
ඒක අවුලක් නෑ කියමුකෝ.....
යකෝ දන්නෙම නැතුව නිදාගෙන නැගිටින කොට එයාම භාරකාරයෙක් වෙලා...
මේක මහ පුදුම රටක්!!!!!!